Hugbúnaðarverkfræði, MS, 120 einingar
- BS-próf í hugbúnaðarverkfræði eða skyldri grein með meðaleinkunn 6,5 eða hærri. Þeir sem ekki hafa próf í hugbúnaðarverkfræði þurfa að uppfylla forkröfur sem Iðnaðarverkfræði-, vélaverkfræði- og tölvunarfræðideild setur.
- Umsækjendur skulu skila stuttri greinargerð (1 bls.) þar sem þeir tilgreina hvers vegna þeir hafa áhuga á þessu námi, markmið með náminu og hugsanlegt viðfangsefni í meistararitgerð.
- Öllum umsóknum skulu fylgja meðmæli frá 2 einstaklingum (kennari/yfirmaður) sem þekkja vel til umsækjenda og geta veitt honum skýra umsögn. Umsagnaraðilar þurfa að skila skriflegum umsögnum beint til Háskóla Íslands á netfangið umsokn@hi.is. Ef nemandi er að sækja um áframhaldandi nám í sömu deild þarf ekki að skila skriflegum umsögnum/meðmælabréfum.
Ljúka þarf 120 einingum fyrir lokapróf. Skipulagt sem tveggja ára nám. Námið samanstendur af 60 einingum í námskeiðum og 60 eininga rannsóknarverkefni. Velja skal námskeið í samráði við leiðbeinanda eða umsjónarkennara. A.m.k. 30 einingar skulu vera af námsbrautinni (námskeið merkt TÖL, HBV eða REI). Námskeiðin skulu öll vera framhaldsnámskeið, merkt M eða F.
Skilgreining
Tveggja ára framhaldsnám í hugbúnaðarverkfræði við Iðnaðarverkfræði-, vélaverkfræði- og tölvunarfræðideild Verkfræði- og náttúruvísindasviðs, Háskóla Íslands. Námið er 120 einingar og telst fullgilt MS-próf. Námið samanstendur af 60 eininga rannsóknarverkefni og 60 einingum í námskeiðum. Miðað er við að nemendur hafi lokið BS-námi í verkfræðigrein en nemendur af skyldum sviðum geta fengið inngöngu að fullnægðum tilteknum forkröfum.
Þekking, hæfni og færni
Að loknu námi getur nemandi sýnt fram á þekkingu, færni og hæfni svo sem hér segir:
1. Þekking og skilningur
1.1. Nemandi hefur skilning á nýjustu þekkingu innan hugbúnaðarverkfræði sem nauðsynleg er til að hefja störf og veitir rétt á starfsheitinu hugbúnaðarverkfræðingur.
1.2. Nemandi hefur dýpri þekkingu á hugrænum aðferðum og hugbúnaðartækni sem nýtist við lausn sértæks verkefnis innan hugbúnaðarverkfræðinnar.
1.3. Nemandi hefur dýpri skilning á möguleikum tölva til að leysa verkefni og takmörkunum á leysanleika verkefna.
1.4. Nemandi öðlast reynslu af nýtingu tölvutækninnar innan annarra sviða.
2. Tegund þekkingar
2.1 Nemandi hefur mikilvæga vitneskju um vandamál og viðfangsefni innan afmarkaðs þekkingasviðs hugbúnaðarverkfræðinnar, byggða á nýjustu upplýsingum og rannsóknum á því sviði.
2.2 Nemandi hefur dýpkað og breikkað þekkingargrunn sinn á sviði gæðastjórnunar, verkefnastjórnunar, kerfisþróunar og hugbúnaðarþróunar
3. Hagnýt hæfni
3.1. Nemandi hefur tamið sér sjálfstæð vinnubrögð og náð valdi á markvissri framsetningu, jafnt í rituðu máli sem í munnlegum flutningi.
3.2. Nemandi getur skilgreint flókin viðfangsefni, sett sér markmið, gert verkáætlun og fylgt henni.
3.3. Nemandi hefur þjálfun í að greina stór hugbúnaðarverkefni og að setja fram rökstuddar sjálfstæðar tillögur að lausn þeirra.
3.4. Nemandi hefur frekari þjálfun í því að tileinka sér nýja hugbúnaðartækni.
4. Fræðileg hæfni
4.1 Nemandi getur stýrt eigin athugunum á afmörkuðum og áhugaverðum viðfangsefnum og beitt rannsóknaferlinu með árangri.
4.2 Nemandi þekkir til rannsóknaaðferða á sínu fræðasviði og er læs á rannsóknir og niðurstöður þeirra.
4.3 Nemandi hefur hæfileika til að samþætta þekkingu, ræður við notkun margs konar heimilda og getur nýtt þær við eigin athuganir.
4.4 Nemandi hefur skýran skilning á því hvað er vönduð og viðurkennd fræðimennska og getur rökstutt mat sitt.
4.5 Nemandi hefur aukið vald á beitingu hugræns táknmáls og hugrænna aðferða við greiningu viðfangsefna.
5 Hæfni til samskipta
5.1 Nemandi er sjálfstæður og sýnir frumkvæði. 5.2 Nemandi getur tekið virkan þátt í hópsamstarfi og stýrt vinnu annarra og axlað ábyrgð á henni. 5.3 Nemandi getur greint á skýran og ótvíræðan hátt frá flóknum fræðilegum viðfangsefnum innan tölvunarfræði bæði í ræðu og riti. 5.4 Nemandi hefur skilning á siðferðilegum, félagslegum, lagalegum og hagrænum áhrifum og álitamálum tengdum tölvunotkun.
6 Almenn námshæfni
6.1 Nemandi hefur öðlast nauðsynlega hæfni og þjálfun til að takast á við sjálfstæð rannsóknarstörf á þessu sviði.
6.2 Nemandi hefur tileinkað sér sjálfstæði, víðsýni og gagnrýna hugsun sem nýtist við að viðhalda þekkingu í námi og starfi.
Anna Hulda Ólafsdóttir .
Ásgeir Örn Sigurpálsson aðjunkt.
Birgir Hrafnkelsson prófessor.
Ebba Þóra Hvannberg prófessor.
Esa Olavi Hyytiä prófessor.
Eyþór Einarsson .
Guðmundur Valur Oddsson prófessor.
Helgi Þorbergsson dósent.
Helmut Wolfram Neukirchen prófessor.
Hjálmtýr Hafsteinsson dósent.
Ingólfur Hjörleifsson rannsóknamaður.
Jóhann Pétur Malmquist prófessor emeritus.
Karl Sölvi Guðmundsson forstöðumaður.
Kjartan Pálsson .
Kristján Jónasson prófessor.
Kristján Valur Jónsson .
Kristján Rúnarsson .
Magnús Þór Torfason dósent.
Melkorka Sigríður Magnúsdóttir .
Morris Riedel prófessor.
Nikolay Gagunashvili prófessor emeritus.
Ólafur Pétur Pálsson prófessor.
Páll Melsted prófessor.
Ragnar Fjalar Sævarsson .
Reynir Kristjánsson .
Rögnvaldur Jóhann Sæmundsson prófessor.
Snorri Agnarsson prófessor.
Steinn Guðmundsson prófessor.
Tómas Philip Rúnarsson prófessor.
Þór Sverrisson doktorsnemi.