Reikniverkfræði, MS, 120 einingar
BS-próf í verkfræði, stærðfræði, eðlisfræði eða tölvunarfræði (reiknifræðikjörsviði) með meðaleinkunn 6,5 eða hærri. Að auki gæti þurft að uppfylla forkröfur sem Iðnaðarverkfræði-, vélaverkfræði- og tölvunarfræðideild setur.
Ljúka þarf 120 einingum fyrir lokapróf. Skipulagt sem 2 ára nám. Námið er annaðhvort 90 einingar í námskeiðum og 30 eininga rannsóknarverkefni eða 60 einingar í námskeiðum og 60 eininga rannsóknarverkefni. Námskeiðin eru framhaldsnámskeið sem valin eru í samráði við umsjónarkennara. Ef teknar eru 60 einingar í námskeiðum skulu a.m.k. 30 einingar vera af námsbrautinni (námskeið merkt TÖL, HBV eða REI) og ef teknar eru 90 einingar í námskeiðum skulu a.m.k. 45 einingar vera af námsbrautinni (námskeið merkt TÖL, HBV eða REI).
Skilgreining
Tveggja ára grunnnám í reikniverkfræði við Iðnaðarverkfræði-, vélaverkfræði- og tölvunarfræðideild Verkfræði- og náttúruvísindasviðs, Háskóla Íslands. Námið er 120 einingar og telst fullgilt MS-próf. Miðað er við að nemendur hafi lokið BS-prófi í tölvunarfræði, verkfræði, stærðfræði eða eðlisfræði, að fullnægðum tilteknum forkröfum um námsgreinar í tölvunarfræði og stærðfræði.
Þekking, hæfni og færni
Að loknu námi getur nemandi sýnt fram á þekkingu, færni og hæfni svo sem hér segir:
1. Þekking og skilningur
1.1. Þekking nemanda spannar þau svið sem gerð er krafa um til að fá rétt á starfsheitinu verkfræðingur.
1.2. Nemandi hefur skilning á nýjustu þekkingu á þeim sérsviðum innan stærðfræði og tölvunarfræði sem gagnast mest við að setja fram reiknilíkön af viðfangsefnum innan tiltekins fræðasviðs, t.d. í eðlisfræði, hagfræði eða liffræði.
1.3. Nemandi hefur náð valdi á hugtökum og verkefnum einhvers tiltekins fræðasviðs að öðlast reynslu af því að eiga samskipti við sérfræðinga á því sviði um gerð reiknilíkana.
1.4. Nemandi hefur öðlast dýpri skilning á takmörkunum reiknilíkana og mögulegum afleiðingum þess.
2. Tegund þekkingar
2.3 Nemandi hefur mikilvæga vitneskju um vandamál og viðfangsefni innan afmarkaðs þekkingasviðs reikniverkfræðinnar og beitingu hennar innan annars fræðasviðs, byggða á nýjustu upplýsingum og rannsóknum á því sviði.
2.4 Nemandi hefur dýpkað og breikkað þekkingargrunn sinn á sviði tölulegrar greiningar, tölfræði, aðgerðagreiningar og reiknigreindar.
3. Hagnýt hæfni
3.1. Nemandi hefur tamið sér sjálfstæð vinnubrögð og náð valdi á markvissri framsetningu, jafnt í rituðu máli sem í munnlegum flutningi.
3.2. Nemandi getur skilgreint flókin viðfangsefni, sett sér markmið, gert verkáætlun og fylgt henni.
3.3. Nemandi hefur þjálfun í að greina stór reiknilíkansverkefni og að setja fram rökstuddar sjálfstæðar tillögur að lausn þeirra.
3.4. Nemandi hefur frekari þjálfun í því að tileinka sér nýja hugbúnaðartækni.
4. Fræðileg hæfni
4.1. Nemandi getur stýrt eigin athugunum á afmörkuðum og áhugaverðum viðfangsefnum og nýtt sér þar viðeigandi rannsóknaraðferðir og fræðikenningar.
4.2. Nemandi ræður við notkun margs konar heimilda og getur nýtt þær við eigin athuganir.
4.3. Nemandi hefur skýran skilning á því hvað er vönduð og viðurkennd fræðimennska og getur rökstutt mat sitt.
4.4. Nemandi hefur aukið vald á beitingu hugræns táknmáls og hugrænna aðferða við greiningu viðfangsefna.
5. Hæfni til samskipta
5.1. Nemandi er sjálfstæður og sýnir frumkvæði.
5.2. Nemandi getur tekið virkan þátt í hópsamstarfi og stýrt vinnu annarra.
5.3. Nemandi getur greint á skýran og ótvíræðan hátt frá flóknum fræðilegum viðfangsefnum tengdum reiknilíkansgerð bæði í ræðu og riti.
5.4. Nemandi getur greint álitaefni sem upp geta komið í tengslum við reiknilíkangerð, tæknileg, félagsleg og siðferðileg og varpað ljósi á þau fyrir mismunandi samskiptaaðila.
6. Almenn námshæfni
6.1. Nemandi hefur öðlast nauðsynlega hæfni og þjálfun til að takast á við sjálfstæð rannsóknarstörf á þessu sviði.
6.2. Nemandi hefur tileinkað sér sjálfstæði, víðsýni og gagnrýna hugsun sem nýtist við að viðhalda þekkingu í námi og starfi.
Anna Helga Jónsdóttir dósent.
Anna Hulda Ólafsdóttir .
Ásdís Helgadóttir dósent.
Birgir Hrafnkelsson prófessor.
Björn Margeirsson aðjunkt.
Eiríkur Ernir Þorsteinsson .
Esa Olavi Hyytiä prófessor.
Fjóla Jónsdóttir prófessor.
Guðmundur Ragnar Jónsson framkvæmdastjóri sameiginlegrar stjórnsýslu.
Gunnar Stefánsson prófessor.
Halldór Pálsson prófessor.
Harald Ulrik Sverdrup .
Haukur Barri Símonarson .
Helmut Wolfram Neukirchen prófessor.
Hermann Þórisson prófessor emeritus.
Magnús Þór Jónsson prófessor.
Morris Riedel prófessor.
Nikolay Gagunashvili prófessor emeritus.
Ólafur Pétur Pálsson prófessor.
Óli Páll Geirsson .
Páll Melsted prófessor.
Sigurður Brynjólfsson prófessor.
Sigurður Freyr Hafstein prófessor.
Sigurður Trausti Karvelsson .
Sigurður Örn Stefánsson prófessor.
Steinn Guðmundsson prófessor.
Tómas Philip Rúnarsson prófessor.
Þórdís Kristjánsdóttir nýdoktor.
Örn Arnaldsson .